Во вечерните часови на 8 април, во населбата Аеродром во Скопје, малолетно лице било физички нападнато од страна на тројца врсници, меѓу кои двајца негови соученици.
Според информациите од МВР, нападот се случил во 19.25 часот на автобуска постојка. Малолетникот, кој живее во селото Идризово, бил нападнат без позната причина, а инцидентот веднаш бил пријавен во Секторот за внатрешни работи Скопје.
Полицијата информира дека се преземаат мерки за целосно расчистување на случајот, вклучително и утврдување на мотивите и околностите под кои се случил нападот.
Станува збор за уште еден во низата инциденти со насилство меѓу малолетници во урбани средини, што повторно го отвора прашањето за безбедноста на учениците надвор од училиштата и потребата од поголема превенција.
