Јелена Розга: Среќна сум и заљубена, но не се мажам
Хрватската пејачка Јелена Розга потврди дека е заљубена и среќна, но ги демантираше гласините дека планира да се омажи. Во разговор за хрватскиот магазин „Стори“, таа истакна дека нема свадбени планови во блиска иднина.
Во последно време медиумите се полни со шпекулации за нејзината врска со Иван Хуљиќ, синот на познатиот композитор Тончи Хуљиќ и неговата сопруга Вјекослава. Српските медиуми дури објавија дека парот ќе се венча наесен, но Розга јасно стави до знаење дека тоа не е вистина.
„Да, заљубена сум и среќна, тоа е вистина, но да се омажам – нема. Полека, полека, има време. Особено не планирам две свадби, како што велат,“ изјави Розга со насмевка.
Розга исто така се осврна на медиумските написи и призна дека во минатото знаела да се „гугла“ и да се нервира поради лагите и шпекулациите што ги читала за себе. „Сфатив дека не вреди да се нервирам. Сега веќе ништо не ме вознемирува,“ додаде таа.
Иако не ја негира врската со Иван Хуљиќ, пејачката ги замоли медиумите и јавноста за трпение, додавајќи дека сака нејзината приватност да остане токму тоа – приватност.
