Српскиот тенисер Новак Ѓоковиќ вечерва има шанса да испише нова страница во спортската историја. Со евентуален триумф во финалето на Мастерсот во Мајами, Ѓоковиќ ќе го освои својот 100. АТП-трофеј во кариерата.
Долгото чекање може да заврши
Последната титула Новак ја освои во ноември 2023, а од тогаш стои на бројката од 99 трофеи. Сега има совршена можност да го направи следниот чекор и да се приклучи на елитното друштво на тенисери со 100 или повеќе титули.
Противник од новата генерација
Во големото финале, Новак ќе се соочи со 19-годишниот Чешки тенисер Јакуб Меншик, кој е 54-ти на АТП-листата. Иако многу помлад, Меншик веќе покажа талент, но ќе мора да се соочи со најголемиот на сите времиња.
Можност за двоен рекорд
Освен за 100. трофеј, Ѓоковиќ ќе се бори и за седмата титула на Мастерсот во Мајами. Со тоа би го надминал Андре Агаси, кој исто така има шест победи на овој турнир, и би станал апсолутен рекордер.
Историја повторно на чекор
Ѓоковиќ и Меншик досега одиграа само еден меч – во Шангај минатата година, кога Новак победи со 2-1 во сетови. Вечерва, Србинот има шанса не само да го повтори успехот, туку и да ја заокружи една од највеличествените кариери во историјата на тенисот.
