Фудбалската ѕвезда Кристијано Роналдо повторно се најде во фокусот на јавноста – овојпат не поради голови, туку поради порака напишана на дрес кој заврши во рацете на Доналд Трамп, во време кога светот внимателно ги следи тензиите меѓу Израел и Иран.
На дресот кој шефот на Европскиот совет, Антонио Кошта, му го врачи на Трамп за време на самитот на Г7 во Канада, стоеше испишано:
„До претседателот на САД, Доналд Трамп. Играме за мир.“
Симболичен гест или тивка политичка порака?
Иако дресот беше симболично врачување, многумина го толкуваат како суптилна порака – особено со оглед на моментот кога е направен гестот. Војната меѓу Израел и Иран ескалира, а САД се на крстопат – да се вмешаат или да останат настрана.
Токму во тие моменти, медиумите јавуваат дека Трамп одржал 90-минутен состанок со својот безбедносен тим, разгледувајќи можноста САД да се приклучат на страната на Израел.
Cristiano Ronaldo has personally sent a signed shirt for United States president Donald Trump.
— The Touchline | Football Coverage (@TouchlineX) June 17, 2025
"To President Donald J. Trump, playing for peace” pic.twitter.com/XxrrqqoCzq
Трамп го напушти самитот – без заедничка изјава
Дополнително внимание привлече и одлуката на Трамп да го напушти самитот на Г7 пред неговиот крај и да одбие да ја потпише заедничката изјава на светските лидери во врска со иранскиот конфликт.
Во таков контекст, веста за дресот со порака „Играме за мир“ доби уште посилна тежина во јавноста – дали Роналдо испрати порака до светските лидери? Или беше тоа само спонтан гест, без подлабока политичка заднина?
