МАКЕДОНИЈА

Судија на претходна постапка од Основниот суд во Штип одреди 30-дневен притвор за петтемина турски државјани инволвирани во убиството на 25-годишниот Е.О., кое се случи на 8 мај во кафе-бар на плоштадот во Штип. Осомничените се спроведени во Затвор Куманово.

Случај на уцена и психолошка тортура ја потресе скопската населба Бит Пазар. Малолетна ученичка од основно училиште, под силен страв и притисок од нејзини соученици, им предала вкупно 25.000 евра за да го заштити својот болен помал брат.

Плоштадот Македонија денес беше сведок на невообичаена и силно симболична сцена: млад кочанчанец, стоејќи на неколку гајби, се врза со селотејп за бандера, како дел од герила-акција организирана од иницијативата „Супорт Кочани“. Овој тивок, но моќен протест имаше за цел да ја разбуди јавноста и институциите за трагедијата што го потресе Кочани на 16 март.

На денешното прво рочиште од судскиот процес за трагичното загинување на младата Фросина Кулакова, нејзината мајка Камелија Кулакова побара максимална казна за обвинетиот Васил Јованов, кој се товари дека ја прегазил на пешачки премин во Скопје на 29 јануари.

Во текот на вчерашната вечер, во еден од угостителските објекти на Градскиот плоштад во Штип, беше убиен 25-годишен странски државјанин. Според информациите од Основното јавно обвинителство, жртвата со неколку прострелни рани била пренесена во Градската болница во Штип, каде и покрај напорите на лекарите за реанимација, им подлегнала на повредите.

Во знак на сеќавање и барање правда за загинатите млади во трагедијата во дискотеката „Пулс“, семејствата на жртвите организираат марш под мотото „Марш за ангелите“.

Скопската вода се смета за една од најквалитетните во регионот, според надлежните институции. Таа е под постојан мониторинг и ги задоволува сите стандарди за безбедност и квалитет. Сепак, многу граѓани се жалат на бигорот кој често се појавува кога се вријат поголеми количини вода.

Општина Гази Баба ќе добие 9 милиони евра преку јавниот повик за финансирање на инфраструктурни проекти од страна на Владата, потврди градоначалникот Бобан Стефковски. Според него, средствата ќе се искористат за реализација на повеќе клучни проекти од интерес за граѓаните.

Сообраќајот на патниот правец Дебар – Струга е целосно во прекин поради сообраќајна несреќа што се случила денеска попладне.

Со положување свежо цвеќе на гробот на Гоце Делчев во црквата „Свети Спас“ во Скопје, денеска беше одбележана 122-годишнината од неговата смрт. Настанот го одбележаа највисоките државни претставници, делегации од Владата, Собранието, дипломатскиот кор, политички партии, граѓански здруженија и граѓани.