Циничен повик за прекин на огнот
Украинскиот претседател Володимир Зеленски остро реагираше на повикот на Русија за прекин на огнот на 9 мај, денот кога Русија традиционално ја одбележува победата над фашизмот. Тој оцени дека повикот е лицемерен, со оглед на тоа што руските сили секојдневно ја напаѓаат Украина.
„Русите бараат молк на 9 мај, но секој ден вршат напади врз Украина. Ова е цинизам од највисок ред“, изјави Зеленски.
Масовни напади врз Украина
Зеленски посочи дека само оваа недела Русија употребила над 1.180 дронови, 1.360 наведувани бомби и 10 ракети од различен тип против цели низ Украина.
Особено ја потенцираше ноќта на 4 мај, кога биле лансирани 165 дронови – еден од најинтензивните напади во последните месеци.
Повик за осуда и поддршка
Украинскиот претседател ја нарече ваквата стратегија на Москва „цинична и опасна“ и повторно побара меѓународна поддршка и јасна осуда на руската агресија.
