Украинскиот претседател Володимир Зеленски соопшти дека имал телефонски разговор со албанскиот премиер Еди Рама, при што разговарале за европската соработка, поддршката за Украина и неодамнешните руски напади.
Самит Украина–Југоисточна Европа: Рама поканет, присуството потврдено
Зеленски на платформата X напиша дека го поканил Рама да учествува на претстојниот самит Украина–Југоисточна Европа, каде што ќе се разговара за натамошната соработка, безбедносните предизвици и обединетиот европски одговор.
„Ти благодарам, Албанија, за поддршката на Украина и нашиот народ“, напиша Зеленски, додавајќи дека премиерот Рама го потврдил присуството.
Русија продолжува со напади – Украина бара поголем притисок
Зеленски го информирал Рама за последните ракетни и дронски напади врз Украина, посочувајќи дека тие се јасен показател дека Русија нема намера да стави крај на конфликтот. Тој нагласил дека е неопходно „зголемување на притисокот“ врз Москва и дека очекува наскоро да бидат преземени конкретни чекори во таа насока.
