Српскиот претседател Александар Вучиќ изјави денеска дека промена на власта во Србија е можна единствено преку избори, исклучувајќи каква било можност за Шарена револуција.
„Во Србија промената на власта е можно само преку избори,“ рече Вучиќ во своето обраќање.
Поддршка за Српската листа на Косово
Вучиќ истакна дека е од витално значење граѓаните на Србија да дадат максимална поддршка на Српската листа на Косово.
„Сакам сите да дадеме најголема можна поддршка на Српската листа на Косово за да ја добие поддршката од Србите, поддршката од нашиот народ. Само така ќе можат да ги зачуваат своите татковини, да ја бранат српската земја и да ги штитат српските национални интереси,“ истакна српскиот претседател.
Тој додаде дека Српската листа ќе продолжи да ја има поддршката од Србија и ќе остане клучна за спротивставување на политиките на косовскиот премиер Албин Курти.
„Тие секогаш ќе ја имаат поддршката од Србија, секогаш ќе ја имаат поддршката од секој од нас, а тие се единствените кои можат да се спротивстават на лудилото на Курти,“ заклучи Вучиќ.
