Турската јавност и социјалните мрежи се преплавени со реакции откако се појавија фотографии и видеа од млада жена која ги истетовирала очите на претседателот Реџеп Таип Ердоган на своето чело.
Освен што истетовирала детален приказ на неговите очи, на челото јасно е испишано и неговото име: „Реџеп Таип Ердоган“ со сино мастило.
Според видеото кое кружи на интернет, девојката изјавила дека со овој потег сака да му оддаде чест на турскиот лидер, кого длабоко го цени и почитува.
Реакции на јавноста – поддршка и критики
Необичниот потег предизвика поделени реакции на интернет. Додека некои ја пофалија нејзината „непоколеблива љубов“ кон претседателот, други ја нарекоа постапката „претерување“ и „фанатизам“.
„Секој има право да го почитува својот лидер, но ова е навистина премногу“, гласи еден од коментарите на социјалните мрежи.
Во меѓувреме, видеото брзо стана вирално, со илјадници прегледи и споделувања, а некои турски медиуми веќе го нарекоа „најрадикалниот израз на политичка верност досега“.
Досега нема официјална реакција од Ердоган или од неговите претставници за оваа несекојдневна тетоважа.
