Полскиот министер за надворешни работи Радослав Шикорски повторно се најде во директен судир со Илон Маск, но овој пат преку иронична шега упатена по најновата јавна пресметка помеѓу Маск и Доналд Трамп.
Од кавга до сарказам: „Гледај, големи човеку“
На платформата Икс, Шикорски саркастично му се обрати на Маск:
„Гледај, големи човеку, политиката е потешка отколку што си мислеше“
Оваа објава следи по ескалацијата меѓу Маск и Трамп, откако американскиот претседател му се закани дека ќе ги раскине сите државни договори со компаниите на Маск. Милијардерот возврати со контра-предлог – импичмент за Трамп.
Мал потсетник: Маск му порача „Молчи, мали човеку“
Враќањето на Шикорски со сарказам доаѓа неколку месеци по нивниот прв судир, кога Маск му одговори со „Молчи, мали човеку“ по критиките за „Старлинк“ и нејзината улога во Украина.
Тогашниот конфликт се случи откако Шикорски посочи дека Украина мора да размисли за алтернатива на услугите на Маск, поради загриженост за сигурноста и зависноста од приватни компании.
