Пукање во училиште во австрискиот град Грац
Повеќе лица се убиени во пукање во средно училиште во австрискиот град Грац, соопштија властите. Настанот се случил претпладнево, а според првичните информации, трагедијата се одиграла во училиштето „БОРГ Драјешиценгасе“.
Министерството за внатрешни работи на Австрија засега не дава прецизни детали за бројот на жртвите и повредените, ниту за идентитетот на напаѓачот или напаѓачите. Австриските медиуми, меѓу кои и весникот „Кронен цајтунг“, јавуваат дека би можело да се работи за осум загинати лица, но бројките не се официјално потврдени.
Полицијата го блокирала регионот околу училиштето и спроведува евакуација на учениците и персоналот. Присутни се силни безбедносни сили, а истрагата е во тек.
Настанот предизвика шок и загриженост низ цела Австрија, а јавноста со внимание ги следи развојот на ситуацијата. Властите најавуваат прес-конференција со дополнителни информации во текот на денот.
