Денес продолжи судењето за убиствата на 14-годишната Вања Ѓорчевска од Скопје и 74-годишниот Панче Жежовски од Велес. Денешното рочиште мина во знак на дополнителна доказна постапка, на крајот од која судот најави дека следното ќе биде посветено на завршните зборови.
Видео-снимки од бензински пумпи како потенцијален алиби
Адвокатот на обвинетиот Боре Видевски, Бојан Манев, побара да се изведат како доказ видео-снимки од две бензински пумпи во Велес. Според него, на тие снимки се гледа Панче Жежовски во клучниот ден – 22 ноември 2023 година – околу пладне.
„Овие снимки ќе покажат дали ‘кангуто’ навистина поминало по таа рута. Ако не се гледа на снимките, тогаш приказната на Велибор Манев е лажна,“ изјави Манев.
Палевски: Обвинителството сами си ги побива доказите
Адвокатот на првообвинетиот Љупчо Палевски, Јовица Страшевски, обвини дека Обвинителството влегува во контрадикторност.
„На едната страна тврдат едно, на другата – нешто сосема спротивно. Сами себе си ги побиваат доказите,“ рече Страшевски.
Тој наведе дека се појавуваат нови лопати во доказниот материјал, кои не биле дел од првичните вештачења.
Докази за комуникација со психијатар
Адвокатот на таткото на Вања, Владимир Туфегџиќ, приложи нови податоци што потврдуваат дека Александар Ѓорчевски, во клучниот период од 27 ноември до 3 декември 2023 година, имал контакт со психијатар од ГОБ „8 Септември“. Тоа, според него, го поткрепува она што Ѓорчевски веќе го изјавил во својот исказ.
Одбраната на Манев и Кешишев без нови докази
Одбраната на обвинетите Велибор Манев и Влатко Кешишев не приложи нови докази во оваа фаза. Со денешното рочиште, доказната постапка е официјално завршена.
Завршни зборови на втори јуни
Судењето продолжува на 2 јуни, кога сите страни ќе ги изнесат своите завршни зборови пред судот да донесе одлука.
