Во тешка сообраќајна несреќа што се случи на 14 мај 2025 година околу 22:20 часот, на регионалниот пат Драчево–Катланово, животот го загуби 27-годишниот возач С.Ј. од село Студеничани, додека 22-годишен сопатник е тешко повреден, потврди СВР Скопје.
Изгубена контрола и удар во бандера
Возилото марка „Фолксваген Бора“ со скопски регистарски таблички, управувано од С.Ј., излетало од патот во атар на село Морани, и удрило во рефлектирачко столбче, заштитна ограда и бандера, која потоа паднала врз возилото.
Од силниот удар, возачот починал на лице место, а неговата смрт била констатирана од страна на лекар на Итната медицинска помош.
Сопатникот во тешка состојба
Џ.Т. (22), сопатник во возилото, исто така од село Студеничани, се здобил со тешки телесни повреди и бил пренесен и згрижен во Градската општа болница „Св. Наум Охридски“ во Скопје.
Обдукција и увид
По наредба на јавен обвинител, телото на починатиот е предадено на обдукција, а на местото на несреќата увид извршила увидна екипа на СВР Скопје, која продолжува со истрага за причините за несреќата.
