Денеска се одбележуваат 13 години од еден од најгрозоморните и најтрагични настани во поновата историја на Македонија – убиствата кај Смилковско Езеро. На 12 април 2012 година, пет лица беа брутално убиени на брегот на езерото во атарот на селото Смилковци, во близина на Скопје.
Убиени млади момчиња и еден рибар
Жртвите на нападот се Филип Славковски, Александар Наќевски, Цветанчо Ацковски и Кире Тричковски, сите на возраст од 18 до 21 година, како и Борче Стевковски, 45-годишен рибар од село Црешево. Четворицата млади момчиња заминале на риболов попладнето околу 15 часот, на Велики четврток – ден кој за многумина симболизира духовна тишина и семејна подготовка пред Велигден.
Нивните тела беа пронајдени околу 22:30 часот, облеани во крв, со траги од повеќе видови огнено оружје, што укажува на повеќе извршители.
Детали од истрагата
Најдено е и возило марка “Опел Омега” во темноцрвена боја, кое било поврзано со местото на злосторството. Иако Министерството за внатрешни работи соопшти дел од информациите, случајот со години беше предмет на правни и политички контроверзии.
Овој настан предизвика длабоки поделби во општеството и подоцна доведе до протестни маршеви, судски процеси и повици за правда.
Црква во спомен на убиените
Во февруари 2013 година, на местото викано Кршиколе кај езерото, беше поставен камен-темелник за црквата „Св. 40 Маченици“, посветена на младите момчиња – симболичен гест на сеќавање и почит.
Денес, 13 години подоцна, Македонија и натаму ја носи болката и бара одговори, правда и вистина за едно од најшокантните масовни убиства во својата понова историја.
