Русија изврши ноќен воздушен напад врз градот Харков, користејќи околу 500 беспилотни летала и балистички ракети. Локалните власти потврдија дека најмалку шест лица се повредени, меѓу кои и седумгодишно дете.
Градоначалникот Игор Терехов соопшти дека најтешко погоден бил округот Холодногирски, каде што експлозиите предизвикале голема материјална штета.
Балинстички ракети удрија во станбени згради
Според украинските извештаи, две балистички ракети го погодиле и округот Киевски – едната детонирала на улица, а другата во близина на станбени згради, предизвикувајќи уништување на фасади и скршени прозорци. Меѓу оштетените се и неколку возила и една цивилна компанија.
Russia attacked Kharkiv with Geran-2 drones and Iskander-M ballistic missiles.
— OSINTWarfare (@OSINTWarfare) June 2, 2025
Currently, three people are known to be injured, and there are fires in the city. pic.twitter.com/R9FQvrLGEZ
Зеленски предупреди пред нападот
Украинскиот претседател Володимир Зеленски уште порано предупреди дека Русија се подготвува за одмазднички напад по успешната украинска акција во која беа уништени руски воени авиони. Тој апелираше граѓаните да не ги игнорираат воздушните аларми.
„Имавме информации за подготовки за масовен напад. Синоќа беа во воздухот речиси 500 руски дронови, меѓу кои и ударни. Овој пат користеа и крстосувачки ракети од морски платформи“, изјави Зеленски.
Today, a brilliant operation was carried out. The preparation took over a year and a half. What’s most interesting, is that the “office” of our operation on Russian territory was located directly next to FSB headquarters in one of their regions.
— Volodymyr Zelenskyy / Володимир Зеленський (@ZelenskyyUa) June 1, 2025
In total, 117 drones were used in… pic.twitter.com/tU0SMN9jdB
Харков под постојана руска закана
Областа Харков е една од најчестите цели на руските напади од почетокот на инвазијата. Урбаните населби често се мета, со сериозни последици врз цивилната инфраструктура и животите на граѓаните.
И покрај сè, украинските власти велат дека се подготвени да одговорат и дека нападите само ја засилуваат решеноста за одбрана.
