Украинскиот главен град Киев ноќеска беше мета на еден од најинтензивните руски воздушни напади од почетокот на руската инвазија во февруари 2022 година. Комбинираниот напад со ракети и беспилотни летала остави зад себе најмалку осум повредени и предизвика големи штети на повеќе локации низ градот.
Пожари и уништени објекти по ударите
Градоначалникот на Киев, Виталиј Кличко, потврди дека нападот резултирал со повреди кај цивилното население и со сериозни материјални штети. Според Тимур Ткаченко, началник на воената администрација на градот, на повеќе места избувнале пожари како последица од паднати остатоци од дронови и ракети.
Lực lượng Nga đã tiến hành một cuộc tấn công bằng máy bay không người lái lớn vào Kyiv, với báo động không kích kéo dài khoảng bảy giờ.
— KhônG có CônG (@MotLaHai) May 24, 2025
Theo báo cáo sơ bộ, tám người đã bị thương. Thiệt hại cho các tòa nhà dân cư đã được ghi nhận ở nhiều quận. pic.twitter.com/nynbZ8H1WG
Руската офанзива следува по украинските дронски напади
Според украински воени извори, нападот доаѓа како реакција на околу 800 украински удари со дронови врз различни цели на руска територија, вклучувајќи и Москва. Засега нема официјална потврда дали руските напади биле директен одговор на тие акции, но руското Министерство за надворешни работи предупреди дека „ќе следи соодветен одговор“.
Kyiv at night… pic.twitter.com/r90JxNuY3e
— Ihor Lachenkov (@igorlachenkov) May 24, 2025
Лавров: „Москва ќе одговори“
Рускиот министер за надворешни работи, Сергеј Лавров, вчера изјави дека Русија нема да остане без реакција. „Нападите врз Москва нема да останат неказнети“, изјави Лавров, наговестувајќи можна ескалација на конфликтот.
