Струмичката полиција трага по малолетно лице кое ноќеска исчезнало од својот дом. Според информациите од СВР Струмица, случајот бил пријавен утринава во 02:30 часот.
Пријавата ја поднел таткото, Е.Д. (51), кој информирал дека неговиот 14-годишен син, Б.Д., се оддалечил од домот и оттогаш му се губи секаква трага.
Активни мерки за пронаоѓање
„Се преземаат сите неопходни мерки за пронаоѓање на лицето“, соопштуваат од полицијата. Засега не се објавени дополнителни информации, ниту опис на момчето или на облеката со која бил облечен при исчезнувањето.
Граѓаните кои располагаат со какви било информации поврзани со момчето се повикуваат да се јават во најблиската полициска станица или на бројот 192.
