Унгарскиот премиер Виктор Орбан предупреди дека Западот ја направил најголемата дипломатска грешка со Русија и дека ќе бидат потребни најмалку 100 години за да се исправат нарушените односи.
Во интервју за американскиот новинар Такер Карлсон на Минхенската безбедносна конференција, Орбан посочи дека одлуката на Западот да ја изолира Русија политички и економски, додека истовремено ѝ дава поддршка на Украина, ќе има сериозни последици на глобално ниво.
Русија нема да му прости на Западот
„Ако имате таква држава и ја навредувате политички, се обидувате да ја изолирате, економски ја напаѓате, а потоа со сите средства го поддржувате нејзиниот непријател, а сега очекувате дека ќе се врати и ќе соработува со вас – тоа нема да функционира со Русија“, изјави Орбан.
Тој нагласи дека Западот направил историска грешка со тоа што ја принудил Русија да бара нови стратешки партнери, најмногу во Азија.
Москва гради нови сојузи
Според Орбан, најголемата опасност за Западот е тоа што Русија сега ги зајакнува своите врски со Кина, што би можело да создаде нов баланс на силите во светот.
„Мислам дека Западот не сфаќа што направи. Русија веќе ја редефинира својата економија и безбедносна политика, а ние ќе ги чувствуваме последиците од оваа грешка во следните 100 години“, додаде тој.
Унгарскиот премиер долго време е познат по неговиот проруск став и честопати се залага за поинаков пристап кон Москва, дури и во време кога другите европски лидери се заоструваат во своите позиции против Кремљ.
