СВЕТ

Американскиот претседател Доналд Трамп денеска во телефонска изјава за „NBC News“ изјави дека „не се шегува“ кога размислува за можноста да служи трет мандат како претседател. Според него, постојат начини тоа да се реализира, иако засега смета дека е „премногу рано да се занимава со тоа“.

Халил ал Хаја, преговарачот на Хамас, објави дека милитантната група ја прифатила најновата верзија на договор за прекин на огнот во Газа, кој бил понуден од страна на посредниците од Египет и Катар пред два дена. Според него, Хамас „позитивно одговорил“ на понудениот план.

Земјотресот остава пустош, монсуните доаѓаат Мјанмар продолжува да се бори со разорниот земјотрес кој веќе предизвика над 1.600 жртви и илјадници повредени, а земјата е на работ на нова катастрофа – пристигнува сезоната на монсуни. Илјадници луѓе останаа без покрив над глава и се изложени на уште поголеми опасности од обилни дождови, свлечишта и заболувања.

Претседателот на Република Српска, Милорад Додик, во раните утрински часови на социјалната мрежа Икс објави дека „стигнал“, но не наведе каде точно. Објавата дојде околу три часот по полноќ, што веднаш предизвика шпекулации за неговата локација, особено бидејќи по него е распишана потерница.

Илон Маск објави дека ја продал социјалната мрежа Икс на својата сопствена компанија за вештачка интелигенција „xAI“ за 33 милијарди долари. И двете компании се во приватна сопственост, па не се должни да ги објавуваат финансиските детали јавно, но Маск ја потврди трансакцијата.

Рускиот претседател Владимир Путин даде официјално одобрување за активирање на новата нуклеарна подморница „Перм“. Подморницата, која е дел од напредниот проект 885М „Јасен“, претставува значаен чекор во модернизацијата на руската поморска воена сила.

Премиерот на Унгарија, Виктор Орбан, изјави дека Европската унија активно се подготвува за можен вооружен конфликт со Русија, иако, според него, за такво сценарио нема никакво оправдување. Во интервју за унгарското Радио Кошут, Орбан рече дека неговата земја нема да се приклучи на воените планови на Брисел.

Рускиот претседател Владимир Путин излезе со предлог за создавање привремена власт во Украина. Според него, овој потег би бил начин да се овозможи организирање на нови избори и постигнување на клучни договори за конечно решавање на конфликтот. „Русија постепено, но сигурно ги остварува своите цели“, изјави Путин од пристаништето Мурманск, нагласувајќи дека ова е дел од долгорочната стратегија на Москва.

Во Бангкок се случи трагедија од огромни размери откако се урна зграда во изградба, при што 70 градежни работници се водат за исчезнати, соопшти тајландскиот Национален институт за итна медицина. Првичните податоци укажуваа на 43 исчезнати лица, но бројката драстично се зголеми.

Американскиот претседател Доналд Трамп повторно најави воведување на царини од 25% за увезените автомобили и делови, кои треба да стапат на сила на 3 април. Овој потег може сериозно да ги зголеми цените на автомобилите во САД, како оние што се увезуваат, така и оние што се произведуваат во американски фабрики.