СВЕТ

Украинската воена разузнавачка служба (ХУР) соопшти дека Северна Кореја ѝ испорачала на Русија над 100 балистички ракети со краток дострел и повеќе од пет милиони гранати. Според извештајот, испораките вклучуваат и артилериски системи и ракетни фрлачи од различни калибри.

Кинеските геолози открија огромно наоѓалиште на злато, проценето на вредност од неверојатни 76 милијарди евра. Ова наоѓалиште е идентификувано со користење на најсовремени методи за истражување и 3Д моделирање, кое овозможи откривање на структура од 40 златни жили на длабочина од 1.600 метри под површината.

Германските истражители објавија дека лекар од Берлин, кој беше уапсен во август, сега е осомничен за убиство на осум пациенти, а во неколку случаи се обидел да ги прикрие доказите со палење пожари.

Рускиот претседател Владимир Путин денеска изрази решителност во спречувањето на Украина да развие нуклеарно оружје. Во обраќање, тој истакна дека Русија ќе преземе соодветни мерки против секоја потенцијална закана за нејзината безбедност.

Германија планира да врати над 16.000 мигранти во Хрватска, во согласност со Даблинската уредба, која пропишува дека земјата каде мигрантот за првпат влегол на територијата на ЕУ е одговорна за обработка на неговото барање за азил.

Русија продолжува да работи на активирање на својата интерконтинентална балистичка ракета „Сармат“. Оваа информација беше потврдена од Сергеј Каракаев, командант на стратешките ракетни сили, кој најави дека ракетата е во завршна фаза на ставање во оперативна готовност.

Рускиот министер за одбрана, Сергеј Шојгу, оствари разговори со неколку авганистански министри од редовите на талибанците за зајакнување на политичките односи, економската соработка и зголемување на трговијата и инвестициите на Русија во Авганистан. Ова беше потврдено во соопштението на талибанските власти.

Кина ја предупреди администрацијата на Доналд Трамп дека трговската војна нема да има победници. Ова следи по новата закана од Вашингтон за воведување дополнителни царини од 10% на кинеските производи кои влегуваат во САД.

Иранскиот врховен лидер, ајатолахот Али Хамнеи, изрази незадоволство од неодамнешната одлука на Меѓународниот кривичен суд (МКС) да издаде налози за апсење на израелскиот премиер Бенјамин Нетанјаху. Тој јавно побара смртна казна за израелскиот лидер, нагласувајќи дека налогот за апсење не е доволен одговор на злосторствата.

Поранешната германска канцеларка Ангела Меркел изјави дека војната во Украина би започнала многу порано доколку Киев го започнел процесот за членство во НАТО во 2008 година. Според неа, тогашната Украина не била подготвена да се справи со последиците, а рускиот претседател Владимир Путин немал да стои пасивен пред таквите потези.