СВЕТ

Унгарскиот премиер Виктор Орбан денеска објави дека неговата влада ќе преземе конкретни мерки против странски финансирани мрежи кои, според него, имаат цел да ги поткопаат националните интереси.

Американскиот претседател Доналд Трамп изјави дека по завршувањето на војната, Израел ќе ја предаде контролата врз Газа на САД. Според него, палестинците ќе бидат преселени на „многу побезбедни и поубави места во регионот, со нови и модерни домови“.

Специјалниот пратеник на САД за Украина и Русија, Кит Келог, изјави дека шансите Украина да се приклучи на НАТО или да се вооружи со нуклеарно оружје се „мали или никакви“.

Американскиот претседател Доналд Трамп објави дека претпочита склучување нов нуклеарен договор со Иран, кој би спречил земјата да развие нуклеарно оружје, додека истовремено би ѝ овозможил економски и општествен напредок.

Украинскиот претседател Володимир Зеленски обвини дека Соединетите Американски Држави заработиле милијарди долари благодарение на договорите за вооружување поврзани со војната во Украина

Севернокорејските трупи кои беа распоредени во рускиот регион Курск ја напуштиле борбената линија од средината на јануари, според информациите објавени од јужнокорејската разузнавачка агенција (НИС). Оваа информација беше дополнително потврдена од новинската агенција „Јонхап“, која извести дека контингентот од 11.000 до 12.000 севернокорејски војници претрпел значителни загуби во војната.

Најмалку пет лица се повредени во пукање во училиште за возрасни во Оребро, Шведска. Инцидентот се случил денеска во образовната институција „Кампус Рисбергска“, која се наоѓа 200 километри западно од Стокхолм.

Францускиот претседател, Емануел Макрон, истакна дека Европската Унија мора да вложи повеќе напори за својата одбранбена индустрија и да биде понезависна од САД во однос на набавките и колективната безбедност.

Американскиот претприемач Илон Маск, кој моментално раководи со новиот Оддел за владина ефикасност, обвини дека Агенцијата на САД за меѓународен развој (УСАИД) ги користела даноците на граѓаните за финансирање истражувања за биолошко оружје, вклучително и вирусот Ковид-19.

Соединетите Американски Држави бараат Украина да одржи претседателски и парламентарни избори, особено ако Киев успее да постигне примирје со Русија во следните месеци. Ова го изјави Кит Келог, специјален пратеник на Доналд Трамп за Украина и Русија, во интервју за „Ројтерс“.