МАКЕДОНИЈА

Граѓанското движење„Кој е следен“ организираше собир пред Собранието, барајќи да се објави целокупната документација поврзана со дискотеката „Пулс“ од 2012 година до денес. Барањата се упатени до над десет институции, вклучувајќи ги МВР, пазарниот и градежниот инспекторат, локалната самоуправа и други.

Во Крива Река е регистрирано опасно загадување со цијанид и олово, што претставува сериозна закана за целиот воден екосистем. Причина за инцидентот е истекување на отпадна вода од рудникот Тораница, по што реката добила сива боја. Според токсикологот д-р Нико Беќаровски, водата сега претставува потенцијален отровен извор, а консумирањето риба од реката може да предизвика сериозни последици по здравјето.

Секторот за внатрешни работи Охрид поднесе кривична пријава против две лица – П.С. (33) од Струга и С.Ш. (43) од Скопје – поради основано сомнение за сторени кривични дела измама и помагање при измама.

Во текот на вчерашниот ден (25.03.2025), полицијата на територија на цела држава изрече дури 674 платни налози во рамките на засилените сообраќајни контроли. Активностите се дел од постојаните напори за зголемување на безбедноста на патиштата и за санкционирање на прекршувачите на сообраќајните прописи.

Секторот за внатрешни работи Охрид поднесе кривични пријави против четворица охриѓани – А.С. (34), А.Б. (28), Е.Б. (30) и Н.Ј. (33) – осомничени за сторување на продолжено кривично дело „лихварство“, согласно член 260 од Кривичниот законик.

На денешното рочиште за случајот со киднапирањето и убиството на Вања Ѓорѓиеска, судот го одби барањето на првообвинетиот Љупчо Палевски – Палчо за изземање на обвинителите Жаклина Јосифовска, Ана Стојковиќ и Гаврил Бубевски. Барањето беше идентично како претходното и не беше прифатено.

Првиот преживеан од пожарот во Кочани се врати дома
Дарко Стојанов, еден од преживеаните од трагичниот пожар во дискотеката „Пулс“ во Кочани, е првиот пациент кој се врати од странство по завршено лекување. Тој се лекуваше во Белград и сега е во добра здравствена состојба.

Шестмина мигранти, меѓу кои петмина малолетници, беа спасени од подрум во село Студеничани, каде што биле држани во заложнички услови. Акцијата била покрената откако на електронската пошта на Обвинителството стигнала порака со С.О.С линк и порака од заложениците.

Дванаесет пациенти кои се лекуваа во болниците во Скопје денеска се испишани и продолжуваат со опоравување во домашни услови. Во болниците остануваат 27 пациенти, а еден пациент кој се лекуваше во Србија се враќа назад во Скопје, каде што ќе го продолжи лекувањето во клиничкиот центар.

Мицкоски најави и вработувања во Државниот пазарен инспекторат (ДПИ), зајакнување на институциите и целосна поддршка од Владата. Тој истакна дека Владата е решена да ги среди сите институционални слабости и посочи на резултатите од борбата против организираниот криминал, вклучително и апсења и постапки против неколку „мафии“.