СВЕТ

Израел постепено ја напушта својата досегашна стратегија на воздржаност и се чини дека целта повеќе не е одбрана, туку пад на Иранскиот режим. Според многу аналитичари, ова не е само воена тактика, туку обид за историска и геополитичка пресвртница, поттикната од кризата што настана по нападите од 7 октомври и разочарувањето во американската поддршка.

Кинескиот претседател Си Џинпинг, во телефонски разговор со Владимир Путин, повика на итна деескалација на конфликтот меѓу Иран и Израел. Иако не ги спомена директно САД, неговите зборови беа насочени токму кон Вашингтон. Си изјави дека големите сили треба да придонесат за смирување на состојбата, а не за нејзино влошување.

Нови градби во Лупче-Савино – доказ за трајно присуствоСателитските снимки на финскиот медиум Yle откриваат дека Русија започнала со изградба на цел воен град во близина на границата со Финска, во гарнизонот Лупче-Савино, дел од градот Кандалакша. Објектите се дел од нова артилериска и инженерска бригада, со планови за трајно воено присуство во регионот. Досега

Шефот на рускиот Совет за безбедност, Сергеј Шојгу, денеска пристигна во Пјонгјанг, во втора официјална посета на Северна Кореја за помалку од две недели. Според руските државни медиуми, Шојгу повторно ќе се сретне со севернокорејскиот лидер Ким Џонг Ун, што е нов сигнал за засилено руско-севернокорејско приближување.

Израел ги засили своите тврдења дека Иран е на чекор од создавање нуклеарно оружје и дека нападите биле неопходни за да се спречи катастрофа. Но американските разузнавачки служби веруваат дека Иран сè уште не е блиску до таа цел и дека има најмалку неколку години до ефективна нуклеарна закана.

Илјадници евакуирани, загинати и повредени по ракетните удари од Иран Околу 2.000 луѓе во Израел се соочуваат со загуба на своите домови откако иранските ракетни напади го погодија централниот дел од земјата, вклучувајќи ги Тел Авив, Петах Тиква, Бнеј Брак и други населени места. Според официјалните податоци, нападите предизвикале значителна материјална штета и човечки загуби.

Најмалку 40 луѓе загинаа, а над 200 се повредени во последниот смртоносен инцидент во Рафах, Газа, кога израелските сили отвориле оган врз толпа луѓе кои чекале хуманитарна помош. Половина од жртвите се наоѓале во близина на центарот за дистрибуција на храна управуван од фондацијата GHF, поддржана од САД.

Украинскиот претседател Володимир Зеленски изрази загриженост дека растечкиот конфликт меѓу Израел и Иран може повторно да ја намали поддршката за Украина од страна на западните земји. Тој потсети дека вакво сценарио се случи и во октомври 2024 година, кога нападите на Блискиот Исток го пренасочија вниманието на меѓународната заедница.

Последниот напад на Израел врз ирански цели бил, според безбедносни извори, поддржан од разузнавачката служба Мосад. Агенти на Мосад тајно дејствувале во Иран, поставувајќи беспилотни летала и прецизно оружје на клучни локации, што овозможило бомбардирање на воени и нуклеарни објекти без отпор.

Израелскиот владин авион „Крило на Цион“ (Wing of Zion), обично користен од премиерот и претседателот на земјата, денес слета на атинскиот меѓународен аеродром. Според информации од грчки медиуми, авионот пренесувал само еден патник – израелскиот амбасадор.