СВЕТ

Ајатолахот Али Хамнеи објави видео порака во која тврдеше дека Иран постигнал „двојна победа“ – и над Израел и над Соединетите Американски Држави. Оваа изјава, според американскиот претседател Доналд Трамп, била „глупава, лажна и навредлива“.

Иранскиот министер за надворешни работи, Абас Арагчи, изјави дека нуклеарните постројки на Иран претрпеле „значајна и сериозна“ штета по неодамнешните напади изведени од САД и Израел. Според него, Иранската организација за атомска енергија сè уште го проценува обемот на уништувањето.

Премиерот на Израел, Бенјамин Нетанјаху, официјално побара од судот да го одложи рочиштето во процесот за корупција против него, повикувајќи се на сериозноста на безбедносната и дипломатската ситуација во земјата.

По денови воздушни напади, закани и тензии, претседателот на САД, Доналд Трамп, објави дека постигнато е примирје меѓу Израел и Иран. Но, оваа објава наместо мир донесе нова серија прашања: кој точно се договорил, кои се условите, и зошто токму сега?

Генералниот секретар на НАТО, Марк Руте, најави историско зголемување на трошоците за одбрана – до 5% од БДП на земјите-членки. Изјавата доаѓа во пресрет на самитот на НАТО, што се одржува во Хаг, а каде се очекуваат „смели и фундаментални одлуки“.

Рускиот претседател Владимир Путин остро ги осуди американските воздушни напади врз Иран, нарекувајќи ги „апсолутно неиспровоцирана агресија“ и додаде дека нема никакво оправдување за тие дејствија. Според него, Русија презема конкретни мерки за да му помогне на иранскиот народ во овие услови на зголемена ескалација на Блискиот Исток.

Министерството за надворешни работи на Украина официјално ја поддржа воената акција на САД и Израел против иранските нуклеарни постројки. Во своето обраќање до јавноста, украинските власти истакнаа дека Иран не претставува само регионален безбедносен ризик, туку и директна закана за Европа, со оглед на неговата блиска соработка со Русија.

Иранскиот министер за надворешни работи, Абас Арагчи, изјави дека нападите на САД во текот на ноќта целосно ја уништиле можноста за дипломатија, како со Вашингтон, така и со европските сојузници.

Турција остро реагираше по денешниот масовен воздушен напад на САД врз три нуклеарни постројки во Иран, предупредувајќи дека вакви дејствија можат да го трансформираат регионалниот судир во глобален конфликт со сериозни последици за меѓународниот мир и стабилност.

Францускиот претседател Емануел Макрон телефонски разговарал со новоизбраниот претседател на Иран, Масуд Пезешкијан, при што ја изразил својата загриженост за нуклеарната програма на земјата и побарал ослободување на двајца француски државјани уапсени во Техеран.