И покрај јасните сигнали од Европската Унија дека присуството на српскиот претседател Александар Вучиќ на парадата во Москва на 9 мај може да ѝ наштети на европската интеграција на Србија, тој не отстапува. Во интервју за телевизијата Пинк, Вучиќ потврди дека ќе патува во Москва, покажувајќи непопустлив став кон меѓународниот притисок.
Ќе ги прифати последиците
Вучиќ изјави дека е подготвен да ја преземе целата одговорност за својата одлука. „Ќе одам сам и ќе ги прими сите удари, и внатрешни и надворешни“, истакна тој. Додаде дека не сака српската влада да биде мета на санкции и критики, и затоа самиот ќе ја понесе политичката тежина на посетата.
Однос со Путин
Во својата изјава, Вучиќ подвлече дека има срдечен, но не секогаш лесен однос со рускиот претседател Владимир Путин. „Секогаш не се согласуваме, но кога ќе кажеме нешто, си веруваме еден на друг“, рече тој, потенцирајќи дека меѓусебното доверување е основа на нивната соработка.
Потенцијални теми на средбата
Претседателот најави дека со Путин ќе разговара за новиот гасен аранжман и за иднината на Нафтната индустрија на Србија (НИС), која поради мнозинска руска сопственост се наоѓа под санкции од САД.
Вучиќ смета дека овие теми се од суштинско значење за економската стабилност на Србија и дека не може да ги одмине, без разлика на политичките ризици што ги носи патувањето.
