Рано утринава, на 22 април 2025 година, околу 03:35 часот, во Секторот за внатрешни работи Скопје било пријавено разбојништво во хотел сместен во подрачјето на Центар.
Според информациите од пријавата, две лица влегле во хотелот и со закана со остар предмет кон вработениот на рецепцијата одзеле пари, по што веднаш побегнале од местото на настанот.
Од Министерството за внатрешни работи информираат дека се преземаат мерки за целосно расчистување на случајот, како и за пронаоѓање и приведување на сторителите. Случајот е активен и истрагата е во тек.
