Општина Аеродром постави капак на опасна отворена шахта, иако локацијата не била во нивна надлежност. Центарот за управување со кризи (ЦУК) ја објави информацијата и упати благодарност за брзата реакција.
„Голема благодарност до службите од Општина Аеродром кои, иако не е во нивна надлежност, го решија овој проблем во интерес на безбедноста на граѓаните“, се вели во соопштението на ЦУК.
Интервенцијата е пример за одговорност и меѓуинституционална соработка, особено кога е во прашање јавната безбедност.
