Рано утрински експлозии во близина на рафинеријата
Во раните утрински часови, силни експлозии одекнаа во Волгоград, во близина на железничката станица Сарепта. Според руските медиуми, пожарот што избувнал се поврзува со можен напад со дронови врз рафинеријата на Лукоил.
Руската новинска платформа „Астра“, повикувајќи се на локални извори и снимки, објави дека пожарот се случил во близина на бензинска станица на Гаспром, која се наоѓа на неколку километри од рафинеријата.
The Lukoil refinery in Volgograd, Russia, has been struck again. pic.twitter.com/T2RzAwmyVR
— (((Tendar))) (@Tendar) March 15, 2025
Очевидци сведочат за силни експлозии
Жители на Волгоград тврдат дека слушнале повеќе експлозии во текот на ноќта, а според официјалното соопштение на руското Министерство за одбрана, руските системи за противвоздушна одбрана собориле 64 украински дронови над регионот.
Снимките од местото на настанот покажуваат огромен пожар и густи облаци чад, но засега нема официјална потврда за евентуални жртви или степенот на материјалната штета врз инфраструктурата на рафинеријата.
Last night Ukrainian drones struck the Russian Lukoil refinery in Volgograd. Several explosions were recorded and a large fire is now reportedly burning at the facility. Geolocated at 48.49173119992785, 44.63021801134191 pic.twitter.com/5uvidvA47D
— raging545 (@raging545) March 15, 2025
Не е прв напад врз оваа локација
Ова не е првпат оваа рафинерија да биде нападната – на 15 февруари годинава, сличен напад предизвика сериозни оштетувања.
Русија сè уште официјално не го потврди нападот врз рафинеријата, но се очекува во текот на денот да има повеќе информации од руските власти.
