Идејата за европската Суперлига, која долго време ја промовираше Флорентино Перез, сè уште е „жива“ и добива ново руво. Организаторите на проектот објавија дека испратиле официјално барање до УЕФА и ФИФА за признавање на ова ново натпреварување.
Јунифај лига: нов формат и структура
Според организаторите од компанијата „А22“, натпреварувањето ќе се одржува под името „Јунифај лига“ и ќе вклучува вкупно 96 клубови поделени во четири дивизии:
- Ѕвездена лига – најсилната дивизија со 16 клубови
- Голд лига – исто така со 16 клубови
- Блу лига – ќе брои 32 клуба
- Унион лига – последната дивизија со 32 клуба
Достапност на натпреварите
Интересен новитет е што натпреварите ќе бидат достапни на бесплатна стриминг платформа, но со реклами. За корисниците кои сакаат да гледаат без прекини, ќе има платена верзија. Квалификациите за учество во лигата ќе се базираат на резултатите од домашните национални првенства.
Реал Мадрид и Барселона стојат зад проектот
И покрај противењата на многу фудбалски федерации и клубови, зад оваа иницијатива стојат Реал Мадрид и Барселона, кои продолжуваат да ја туркаат идејата за револуционизирање на европскиот фудбал.
