Нов систем за анализа на НЛО
Американската Канцеларија за решавање на аномалии на сите домени (AARO) во најновиот извештај објави иновации за поефикасно следење и анализа на неидентификуваните воздушни феномени (НЛО). Ова е одговор на зголемениот јавен притисок за транспарентност околу овие мистериозни појави. Новите пристапи ги вклучуваат системите за идентификација на аномалии, кои сега се користат за документрање и истражување на НЛО.
Документирани 757 нови средби во 2024 година
Во 2024 година, документирани се 757 нови случаи на НЛО, од кои 272 претходно непријавени. Сведоците вклучуваат комерцијални и воени пилоти, како и набљудувачи на терен. Меѓу најзначајните инциденти е пријавата од патнички авион кој за малку избегнал судир со „цилиндричен објект“ над Њујорк.
Пилотите известиле дека објектот се движел на опасно мала оддалеченост од авионот, при што е избегната несреќа. Овој случај сè уште е под истрага, но во извештајот се наведува дека ваквите средби стануваат сè почести.
Морфологија на НЛО: од светла до „медуза“
Меѓу пријавените случаи, НЛО најчесто се опишуваат како светлосни сфери или објекти со уникатна форма, вклучувајќи „медуза со повеќебојни трепкачки светла“. Во 49 случаи, објектите се движеле на надморска височина од над 100 километри, достигнувајќи ја границата со вселената. Овие трендови се во согласност со историските обрасци на морфологијата на НЛО, според извештајот.
Одговори и прашања
Иако новиот систем на AARO ветува подобра анализа, јавноста и понатаму поставува прашања за потеклото и природата на овие феномени. Случаите како избегнатиот судир над Њујорк нагласуваат дека овие инциденти не само што се мистериозни, туку и потенцијално опасни. Американската влада продолжува да ги истражува овие феномени, со ветување за поголема транспарентност.
